بقلم:عبد المجيد غزة
كان ولد صغير و من الخوف تايحشم
تعرضات مو لطلاق البرهوش تصدم
تايبغي يدخل لدار مرات باه تاتبدا تشتم
ولا يبات في الزناقي وتما رفدو الهم
ولا يروم المحطة شافو الغول لمكلظم
جرو عندو عنقو دفاه وزرع فيه السم
دري فاق مخلوع ميت بالجوع
عطاه 100 درهم و قاليه مسح الدموع
ولا يبات في زناقي و هو ناعس في البرد مفزوع
تربات فيه الدودة و مسعودة ولات بغا الدبوغ
رجع المحطة تايقلب على الغول لمكلظم
قاليه غطيني على البرد بشرط بغيت نتعلم
بدات القصة والبرهوش كبر ودودة سرات ليه مع دم
ولا يتسخر ويدي البوطة لسياسي ولد العم
لمصنن كان معفن تاينعس حدا دارو تايتمسكن
السياسي ولا فرحان ملي صاب لي يتسخر و يخدم
يدي لوليدات لمدراسة لخميميس ترقى وفهم
البرهوش بدا يزعم ولا ينقز وبغا يجمع الدرهم
مشى عند الغول شرى ليه قميجة سباط ونزل عليه تم
داز عند ولاد الدرب فرحان دافع كبير تايدكلظم
قاليهم عندي كونترات لاوروبا والخليج لي بغا يخدم
جمع اللعاقة طفا التلفون وضرب الطم
تعتاقل عامين و خرج بالدودة تايفهم
سياسي خدمو عند الاجانيب و قاليه عنداك تشوهني ياولد الهم
بدل الحرفة كالعادة وبدا يمارس القوادة
والمشية كيف ديما والله يخليها عادة
حتى من مراتو قدمها قربان وزيادة
بنت الاصل بكات ومرضات و رفضات
تايدبح ليها عتروس في كل ليلة حتى عمات
طلبات الشقاق و من الديوتي تهنات
الشركة لي كان خدام فيها من الخدمة سلات
و قلنا المدينة من دعارة و القوادة تهنات
الشاد الدنيا دارت بيه و وقفات
نقدو صحيبو وخسر عليه فلوسو
وحتى القهوة فايات
خسر عليه رزقو ورزق اولادو وضربو بي 2 ركلات
جا المسؤول الجديد و عندو فكرة حسنة
القى الصداع في المدينة و بغا يأدي الامانة
قال الفريق شكون يقدر يهنينا في ساعة المكانة
جابو ليه الشاد الشعواد و قالو ليه هادا ولد لمدينة
المجراب دار ليه الطلاميس و قاليه انهنيك منها ديما
قاليه انا غانوريك وشوف بعينيك و مكن لينا
الشاد شد المال وشرى بقرة حمرة كلها تشكال
دبحها وعلى الدرب بدا يقسم اللحم
كلهم خداو حقهم والمسؤولين تخطاو الدم
و فداك النهار دارت الطقوس وفقيهو بدا يعزم
من داك النهار والشاد بدا يخدم
و الفلوس تتلاح عليه بحال التبن
الشعوادة خدامة و من دبيحة اولاد الدرب ضاربين طم
الشاد دخل السياسة والشيطان بدا يرسم
الشاد الشعواد بدا بصحابو تاينتقم
اول ضحية راجل ولد ناس تكلم على حقو تحكم ضربوه بي 3 سنوات و عرضو عائيلتو للظلم
شاب عندو لولاد غلط وطلب سموح و ندم
حرض عليه وضربوه بيشهرين باش صوتو يتكتم
وصلات اخبار الاعتقال لمو تتنوح والبو تصدم
الشاد مايعقل لا على صحبة ولا طعام ولا دم
الشاد تزوج باش يكفر على دنوبو وينسى الهم
جازاوه بمقر وتما ستاقر و حرفتو القديمة فيها خدم
طاح عليه المسموم لي سمو ساري في الدم
لي حياتو دوزها غير في الحضيان أوالظلم
لايح ودنيه يتجسس وبنيفو الغدر تايشم
الناس راكبين على العودة و هو تابعها حتى التم
اوقف اعليا في الحلمة وسط الحلمة او قلت ليه فاش تاتخدم
قالي لخلاص من عند مسعودة اومكاين غير لقلم
ملي يتوحش الدبغة المشدود تانطلق فيها السم
و نطبق مقولة خيرنا مايديه غيرنا و سرنا يتدفن
ضرب عليه لبيض في الكحل ومن وراه تايحكم
وكلشي عارف و ساد فمو وضارب الطم
الفاهم راه فاهم ولي مفاهم غادي يفهم
ضرباتني الفيقة او اخشيت راسي في المخدة
اوبغيت نكمل الحلم
