اش واقع داخل حزب السنبلة بخريبكة؟
الجو ماشي عادي… والهدوء اللي كان كيغلف التزكيات فسنوات سابقة سالى.
اليوم كاينة حرب حقيقية بين جوج أسماء باغيين التزكية البرلمانية، وكل طرف كيشد فجهة، والقيادة المركزية هي اللي غادي تلقى راسها قدام قرار صعيب.
سعيد السرار، البرلماني الحالي، دخل للبرلمان وسط وعود كبيرة، لكن اليوم كاين سؤال واضح كيتردد بقوة داخل الشارع وحتى مع مناضلين داخل الحزب:
شنو دار لخريبكة؟
قالو لا صوت قوي فالبرلمان.
لا ترافع واضح على الملفات الكبرى بخصوص اقليم خريبكة على حد قولهم.
لا حضور سياسي مؤثر فالقضايا اللي كتهم الإقليم.
ملفات الماء، التشغيل، الاستثمار، البنيات التحتية… كلها ملفات كانت محتاجة صوت قوي، لكن كثيرين كيشوفو أن الأداء كان ضعيف وما كانش فمستوى الانتظارات.
الأكثر من هاد الشي، أن الرجل حتى داخل معقله ما بقاش عندو نفس الإجماع، وداخل الحزب كاين اللي بدا كيهضر بصراحة على أن إعادة نفس الاسم قد تكون مخاطرة انتخابية اياه اسيدي.
وفي الجهة الأخرى كاين محمد سقراط.
اللي حاول البعض يصوروه كاسم عابر، كيبان اليوم أنه داخل بقوة.
عضو جماعي، عندو حضور محلي، عندو شبكة علاقات، وعندو امتداد تنظيمي معروف داخل الحزب وخارجه اوزيد السيد ولات عندو العاقة.
وزيد عليها معطى آخر كيدور فالكواليس…
حتى هو ما داخلش خاوي اليدين، يعني معركة “مول الشكارة” ما بقاتش محسومة كما كان كيتصور البعض السيد دار فلوس قاد بالحملة ويتعداها هدا ماشي كلام لقهاوي هدا كلام العاىلة تاعو .
بمعنى واضح…
واحد عندو المال ولكن حصيلتو كتطرح أسئلة كثيرة.
وواحد آخر كيعتمد على التنظيم والحضور المحلي وحتى هو قادر يدخل المعركة بإمكانيات كبيرة.
هنا بان المشكل الحقيقي.
واش الحزب غادي يعاود يغامر بنفس الوجه اللي كيتعرض لانتقادات كبيرة وايقدر مايجيب واولو كيف ماتيقولو ولاد الدوار والو مدار والو؟
ولا غادي يغامر بوجه جديد داخل نفس البيت الحركي وخ مجهد ولكن الجهد في بلاصتو هدا كلام الناس ؟
القيادة هي اللي غادي تحسم.
ولكن هاد المرة القرار غادي يكون تحت أعين الجميع.
المناضلون كيهضرو.
الشارع كيراقب.
والناس ولات كتسول على الحصيلة قبل الولاء.
والأيام المقبلة غادي تكشف واش الحزب باغي يربح المقعد… أو يسلمو بيديه.
