بقلم:غزة مجيد
الدنيا قصيرة… واللي فيها ما يدوم مقام
راشيد خرج يخدم… عندو شلا حلام
حاط الواجب قدامو… وقلبو صافي بلا أوهام
قال: بلادي تنادي… وأنا نوقف قدام الظلام
ما حسبش الغدر… جا من اللور بلا كلام
دهسوه وهو واقف… فخدمة الوطن والنظام
قاوم جراحو واقف… وسارع الموت بإقدام
عينو فالسما معلق… كيواجه آخر الأحلام
فجنازتو حضرو أعيان… صحابو وخوتو بالتمام
شهود على راجل… عاش بالأمانة وطول الدوام
أدى الأمانة كاملة… ما خان عهد ولا مقام
وخلا سيرة نقية… تتقرا فكل مقام
لميمة كتبكي… صوتها مكسور فالآلام
كتقول: ولدي ضاع… وخلا فقلبي ضرغام
كتشوف فصورو صغير… وتغرق فبحر الأوهام
بين حضن كان دافي… واليوم قبر بلا كلام
البنية كتعيط: بابا فيق… راه طال الظلام
بابا غير مرة … بغيت نسمع حلاوة الكلام
الزوجة القلب دم … وقلبها عامر الام
كتحارب وجع الغياب… وكتخبي الدمع قدام
خريبكة لابسة حزن… وسلا فيها نفس الآلام
بلاد فيها اللي يحمي… وفيها اللي يبيع بالدرهم الحرام
راشيد ماشي غير اسم… راشيد موقف والتزام
درس مكتوب بالدم… لي باغي يفهم الرسام
اللي غدر خاسر… حتى إلا طال بيه المقام
واللي صان الوطن… اسمو باقي فوق الأعلام
يا بلاد… يا ناس الكرام
نم مرتاح يا راجل… راه المجد ليك ختام
حيت اللي يموت بكرامة… يعيش ديما قدام
رشيد ما مات… باقي حي فقلوبنا يهاد العلام
رشيد دافع على وطونو… اوفاهم القسام
خلّى اسم ما يطيحش… وخلّى درس للكرام
