بقلم_غزة مجيد
عمي تبون مالك قلبك مخلوع
كيف سمعت ماكرون جا عندنا وليتي مرفوع
نشفات شفايفك وقلبك موجوع
والحسد داير فيك، جبدت دمع الدموع
بغيتي تدير الزحام في كل مكان
تحسب لي عندك شأن وقيمة تخلع الجيران
عند فراعنة مصر، هضرت بلا ميزان
قالو ليك: حنا فالسلم، بعد علينا الفتان
عمي تبون، كيف جاتك زيارة ماكرون؟
ملكنا كيستقبل ضيفو بالحب والمزيون
النشيد كيعزف، والشعب واقف في السكون
حاكمنا الحكيم، عايش وسطنا فالهناء والاطمئنان
عيون المغاربة فرحانة، حبها ماشي قليل
الصغير والكبير، قلبو عامر بالليل
قال فخاطرك: هاد الناس بالحب سجيل
شعب وفي، كيقابل ملكو بالخير والدعاء الجميل
فالقصر العامر، جو زوين بالحفل والفنون
بساط أحمر، وورود وطيب العطور بعيون
عائلة ملكية مجتمعة، زينة في كل الشجون
والأمير الصغير، بابتسامتو كيبدد الظنون
الناس بوجوه ضاحكة، الفرح باين فالعين
تحية لجلالة الملك، سيدنا وكنزنا الثمين
الشعب كيصلي ، فالسر والجهر معلنين
ربي يحفظك، ملكنا العزيز، رايتك ترفرف علينا بكل حين
عمي تبون، شوف وتعلم من لي فات
المغرب شامخ بملكو، عالي فالمقامات
شعب مخلص، قلبو عامر بالثبات
واللي بغا الخير، فبلادنا يلقى الأمان والسبات
كل حبة رمل كتقول عاش الملك الغالي
من طنجة لكويرة، الفرحة فكل حالي
الشعب كيستقبل الضيف، قلبو حي وحلالي
واحنا فخاطر المحبة، ملكنا تاج فوق العالي
