بقلم:عبد المجيد غزة
لا يغرك منصب ولا يغرك نقيش الكرسي ديال العود
طلب التسليم من العامريات لاتصبح في الواد موؤود
لا يغرك احترام مزوق ولا كلام زين بالخوف مشهود
كفاش تعيش مرتاح هاني والمظلوم هاز كفوفو
للرب المعبود
لا تيق في دنيا لا تيق في الهدايا ولا العرايض
ولاالزرود
ماتغفر ليك لا لي ظلمتيها و من حقها حرمتيها وعند مولاها حقها مرصود
ياالظالم طلب سماح من لي باكي شاكي اشوف
شحال داير بين ربك من سدود
لا تسنا خوف ولد القرشية ولاتسنا خوف النار من البارود
لا تسنا دعوة السمعلية ولا البجعدية غير الشوك الزقوم المنكود
لا تغرك النخوة والمشية ولامولات النهود
شوف شحال صبر ايوب اوكالو دود
#######
#اسمع ياالسامع وسمع القلب باش دامع#
تسنا الخير من لي كابر في الخير راه من القليل يجود
ولاتترجا خير من لي يعصر للرجال الدم في الخدود
واش لي كابر في القمع يتمنى من السمعلي التحية والسجود
واش لي كابر في حجر البجعدية غاتسوليه على قرآنو في القلب محفوظ
واش تقنع لي حقو تسلب صبر بالجنة راك موعود
واش لي ضارو كلامي لاش باغي يعرف شكون بيه مقصود
داير راسك في مكان دبانة لي راسلها مولانا لنمرود
ياك طغا وتجبر وتهان وكلا الصفيع بالعمود
لاتغرك كلمة نعام اسي والفم المسدود
كون سي تعطي قيمة كون تمود يبقى في الخلود
لايغرك سعد السعود لي نحلتو زنزانة فوق العود
لايغرك لي راكب على عودو ومسرجو من الجلود
#########
لاتفرح ياطامع في الزيادة و حاسب راسك فالح
رد البال من النقصان شحال من كساب خرج عليه السارح
يالي تايبني ويعلي ويصحاب راسو ناجح
مول الكبوط وسط العزاية غيكون هو الرابح
نوصيك ياالرايح
لا تسعد بي سعد الدابح ولا تاخف من الكلب النابح
ولا تسنا رحمة من القلب القاصح ولا من غني فاطر بالخبز الصابح
